QR Prezıdenti Ákimshiliginiń jáne Arys qalasy máslıhatynyń kelisimimen, Túrkistan oblysy ákiminiń ókimimen Túrkistan oblysy, Arys qalasynyń ákimi bolyp Mańqaraev Qaısar Zákiruly taǵaıyndaldy, dep habarlaıdy Egemen.kz.
Túrkistan oblysynyń ákimi Darhan Satybaldy jańa ákimdi qala aktıvine tanystyryp, birqatar tapsyrma júktedi.
«Búgin qaladaǵy kadrlyq ózgeristerge baılanysty jınalyp otyrmyz. Arys qalasynyń ákimi qyzmetin atqaryp kelgen Gúljan Mamytqyzy basqa jumysqa aýysýyna baılanysty, qyzmetinen bosatyldy. Gúljan Mamytqyzy ózin bilikti basshy retinde tanyta bildi jáne qalanyń damýyna óz úlesin qosty. Alǵysymyzdy bildiremiz. Búgin qalaǵa jańa ákim taǵaıyndalyp otyr. Oblystyń baǵyty – óndiris jáne jańa jumys oryndaryn ashý, ınvestısııa tartý, ekonomıkany kóterip, halyqtyń ál-aýqatyn jaqsartý. Qaısar Zákirulyna osy baǵytta belsendi jumys isteýdi tapsyramyn. Logıstıkalyq áleýeti joǵary Arystyń múmkindikterin tolyq paıdalanyp, óndirisi damyǵan qalaǵa aınaldyrý qajet. «Taza Qazaqstan» baǵdarlamasyn júzege asyrý, aımaqty abattandyrý da mańyzdy», dedi Darhan Satybaldy.Qaısar Mańqaraev 1979 jyly, 9 sáýirde dúnıege kelgen. Bilimi joǵary. Eńbek jolyn 2000 jyly bastap, Shymkent qalasynda, «Bereke» JShS-inde kassır, menedjer, ekonomıst bolyp jumys istegen.
2022 jyldan beri Astana qalasynyń ekonomıka jáne bıýdjettik josparlaý basqarmasynyń basshysy bolyp qyzmet atqaryp kelgen.