Jyl basynan beri QMA 20 mlrd teńgeden asa shyǵynmen qarjy pıramıdalaryn qurý jáne basqarý faktileri boıynsha 68 qylmystyq isti tergedi. Búgingi tańda 13 mlrd teńgeden astam qarajat óteldi, dep habarlaıdy Egemen.kz.
Bul týraly QMA men Joǵary bilim jáne ǵylym mınıstrligimen birlesip elimizdiń 100-den astam joǵary oqý oryndary úshin uıymdastyrylǵan quqyqtyq mádenıet jáne qarjylyq saýattylyqty arttyrý jónindegi vebınar barysynda belgili boldy. Shara «Tártipti ózińnen basta!» estafetasy aıasynda ótkizildi.
Agenttikte alaıaqtyq jobalardyń ómirlik sıklin jáne olarǵa tartylǵan salymshylar sanyn qysqartýǵa baǵyttalǵan «Qarjy pıramıdalaryna qarsy is-qımyl» arnaıy jobasy engizildi.
Bıylǵy jyldyń basynan beri ınternet keńistiginde 47 qarjy pıramıdasy anyqtalǵan. Olarǵa qatysty áleýmettik jelilerde 300-ge jýyq chat jabylyp, shamamen 2 mıllıonǵa jýyq qatysýshy – áleýetti salymshylar bolǵan. Sondaı-aq, osy jyly áleýmettik jelilerdi taldaý nátıjesinde qarjy pıramıdasy belgileri bar saıttardyń 11,7 myńnan astam siltemesi buǵattalǵan.
Vebınar barysynda qatysýshylarǵa jınaqtaryn salý kezinde nazar aýdarý qajet negizgi belgiler týraly aıtyldy:
Táýekeldersiz jáne kúsh-jigersiz joǵary tabys ýáde etý; Jańa klıentterdi mindetti túrde tartý; Internette belsendi jarnama jasaý; Kompanııanyń Qazaqstan Respýblıkasynda tirkelmeýi nemese jaqyn arada tirkelýi; Zańdyq súıemeldeýdiń bolmaýy (sharttyń bolmaýy nemese taraptardyń mindettemelerinsiz jasalýy); Salymdardy qolma-qol aqshamen, krıptovalıýta arqyly nemese bankterdiń qatysýy bolmaıtyn tólem júıeleri arqyly qabyldaý.Aıta keteıik, Agenttikte qarjy pıramıdalarynyń belgilerin tekserýge múmkindik beretin «Baiqa, piramida!» Telegram-boty iske qosýly.
«Eger Siz nemese jaqyndaryńyz qarjy pıramıdasynyń áreketine tap bolsa, turǵylyqty jerińiz boıynsha Ekonomıkalyq tergep-tekserý departamentine júginýdi suraımyz. Azamattardy saq bolýǵa jáne kúmándi qarjylyq uıymdarǵa jınaqtaryn salmaýǵa shaqyramyz», delingen habarlamada.
№
Naımenovanıe
Telefony dejýrnoı chastı
1
Astana q.
87172 (70-84-79), 21384
2
Almaty q.
87272 (79-29-56)
3
Aqmola oblysy
87162 (25-62-84)
4
Aqtóbe oblysy
87132 (46-83-81)
5
Almaty oblysy
87272 (79-20-86)
6
Atyraý oblysy
87122 (35-42-10)
7
BQO
87112 (53-84-23, 53-84-23)
8
Jambyl oblysy
87262 (34-76-26)
9
Qaraǵandy oblysy
87212 (56-70-00)
10
Qostanaı oblysy
87142 (27-34-12, 53-60-26)
11
Qyzylorda oblysy
87242 (70-87-42)
12
Mańǵystaý oblysy
87292 (40-36-59)
13
Shymkent q.
87252 (77-14-48)
14
Pavlodar oblysy
87182 (61-33-05)
15
SQO
87152 (46-98-18)
16
ShQO
87232 (24-06-05, 29-56-51)
17
Túrkistan oblysy
872533 (5-77-65)
18
Abaı oblysy
87222(33-20-74)
19
Jetisý oblysy
8 7282 (24-11-25)
20
Ulytaý oblysy
87102(77-30-62)