Jaqsylyq jasaǵy

Jastyq jigerin tıim­di paıdalanyp, sharapaty mol sharýa­lar­dyń bel ortasyn­da júretin jan­dar­dyń arqasynda bıyl qalada 800-den asa qaıyrymdylyq joba­sy qanat qaqqan. Biri qol eńbe­gimen, endi biri kásibı biligi arqy­ly qarashaǵa kómek qolyn sozǵan eriktilerdiń deni – jastar. Muqtajdarǵa qam­qorlyq tanytýdan bastap qorshaǵan orta­ny qorǵaýǵa deıingi áleýmettik basta­malardyń keń aýqymyn qam­tıtyn volonterlik is-shara­lar­ǵa qa­la­nyń 200 myńǵa tarta jas turǵyny ún qosqan.

Almaty qalasy Jastar saıasaty basqarmasynyń basshysy Azız Qajdenbek megapolıs eriktileri shahardaǵy túrli máseleni sheshý­ge belsene aralasatynyn aıtady.

«Erikti bolý – júrektiń isi. «Bala­­nyń istegeni bilinbeıdi» degendeı, óz yntasymen ıgi isterge atsalysatyn jastar qalamyz­dyń ıgilik jasaǵy desek, artyq bolmas. Olardyń biri ata-ana qamqorlyǵynsyz qalǵan balalardy oqytsa, keıbiri jalǵyzilikti zeınetkerlerge arnalǵan pansıonattarda shyǵarmashylyq keshter uıymdastyrady, al endi bireýleri janýarlarǵa nemese qor­shaǵan ortaǵa kómektesedi. Volon­terlerdiń bastamasymen ata-anasynyń qamqorlyǵynsyz qalǵan balalarǵa arnalǵan bilim berý jobalary uıymdastyryldy. Jyl basynan beri marketıng, qarjylyq saýattylyq, mobılografııa, art-jýr­nalıstıka sekildi birqatar baǵyt boıynsha sabaqtar ótti. Buǵan qosa eriktiler qart adamdarǵa arnal­ǵan shyǵarmashylyq keshter, buralqy janýarlarmen ju­mys, t.b. jobalar ótkizdi. Son­daı-aq eriktiler kúshi­men 10 myńnan asa adamdy qam­ty­ǵan ashyq aspan astyndaǵy otan­dyq fılm­derdiń 40-tan asa kór­se­tilimi uıym­das­tyryldy», deıdi A.Qajdenbek.

Jyl basynda sý basqan aı­maq­tarǵa gýmanıtarlyq kómek jiberý kezinde eriktiler erekshe eńbegimen kózge túsken. Zardap shekkenderge arnalǵan 592 tonna zattaı kómek júk kólikterine eriktiler kómegimen tıelip, bul jumystarǵa áskerı-ınjenerlik ınstıtýttyń 100-den asa kýrsanty da qatysqan.

Qalanyń barlyq aýdanynda júıeli jumys istep kele jatqan «Til­der saıabaǵy» jobasy – bel­sendi jastardyń jemisti eńbegi. Tur­ǵyn­darǵa tegin til oqy­tatyn úıirmeler kúnniń salqyn­daǵa­ny­na qaramastan, qalanyń kom­mý­naldyq ortalyq­tary baza­syn­da ju­mysyn jalǵas­tyryp jatyr.

Qala bıligi tarapynan erikti­lerdi oqytý isine aıryqsha mán berilip otyr. Volonterler men volonterlik uıymdaryna jan-jaq­ty qoldaý kórsetý úshin Jas­tar saıasaty basqarmasynyń qol­daýymen Eriktilerdiń óńirlik front-keńsesi jumys istep keledi. Bıyl front-keńse qabyrǵasynda túrli baǵyttar boıynsha 700-den asa trenıng, sheberlik saǵat ótkizilgen bolsa, jyl sońyna deıin taǵy 500 eriktini oqytý josparlanǵan.

Qala turǵyndary arasynda volonterlik qyzmetti nasıhat­taý, jastardyń áleýmettik jaýap­ker­shiligin arttyrýǵa járdemdesý jáne qalanyń damýyna úles qosatyn belsendi volonterlerdi kótermeleý maqsatynda «Igi ister marafony» dep atalǵan aýqymdy joba ótip, onyń sheńberinde ­10 myń adamdy qamtyǵan 20 is-shara uıymdastyrylǵan.

Marafonnyń negizgi is-shara­la­ry­nyń qatarynda: balalar úıiniń tárbıelenýshilerin qol­daý naýqany, ekologııalyq she­ber­lik synyptaryn ótkizý, janýar­­lar­ǵa arnalǵan baspana­larǵa kómek kórsetý jáne jal­ǵyz­­ilikti zeı­netkerlerge arnal­ǵan shy­ǵar­ma­shylyq keshter uıym­das­tyrý bar. Sondaı-aq qalany abat­tandyrý chellendjderi men erik­ti­ler arasynda donorlyq aksııa jos­parlanǵan.

«Almaty qalasy – Qazaq­stan­nyń eń iri megapolısi, eldiń eko­no­mı­kalyq jáne mádenı ómiriniń júregi ǵana emes, sonymen qatar qýatty eriktiler qozǵalysynyń orta­lyǵy. Munda álemdi jaqsy jaqqa ózgertýge umtylǵan myń­da­ǵan adam­dardyń kúsh-jigeri birik­ti­rilgen. Megapolıstiń baı ári ser­­pindi eriktiler qaýymdastyǵy az qamtylǵan otbasylarǵa kómek­tesý­den bastap qorshaǵan ortany qor­ǵaýǵa deıingi túrli salany qam­­tıdy. Marafonnyń bas­ty maq­­saty – eriktilikti nasıhat­taý, bel­sendilerdi qoldaý jáne qala tur­ǵyn­dary arasynda áleý­met­tik jaýap­kershilikti damytý. Ma­ra­fon­nyń árbir jobasy – ıgi is jasaý­da basy birikken jan­dar­­dyń biz­diń qoǵamymyzdyń damýyna qosqan úlesi men úlgisi», deıdi Almaty qalasy eriktiler front-keńsesiniń basshysy Baǵdat Anarbaeva.

ALMATY