Ulttyq ekonomıka mınıstrligi elimizdegi monoqalalar tizbesin jańartty. Premer-mınıstrdiń orynbasary – Ulttyq ekonomıka mınıstriniń 2026 jylǵy 10 naýryzdaǵy №75 buıryǵyna sáıkes Ekibastuz qalasy monoqalalar tizbesinen shyǵaryldy, dep jazady Egemen.kz.
Tizbeni jańartý Memleket basshysynyń 2024 jylǵy 2 qyrkúıektegi Qazaqstan halqyna Joldaýynda aıtylǵan tapsyrmasyn oryndaý maqsatynda júrgizildi. Qujatta eldiń basqa monoqalalaryn damytý úshin Saran qalasynyń ekonomıkasyn ártaraptandyrýdyń tabysty tájirıbesin taratý mindeti qoıylǵan edi.
Osy jumys sheńberinde Ulttyq ekonomıka mınıstrligi monoqalalardyń áleýmettik-ekonomıkalyq damýyna ónerkásip óndirisiniń serpini, ınvestısııalyq belsendilik, kásipkerlikti damytý, jumyspen qamtý qurylymy jáne ekonomıkanyń ornyqtylyǵynyń basqa da parametrleri sekildi 78 negizgi kórsetkish boıynsha keshendi taldaý júrgizdi.
Taldaý nátıjesi boıynsha, Ekibastuz ekonomıkany ártaraptandyrýdyń turaqty úrdisin, damýdyń monoprofıldi modelinen birtindep shyǵý mejesine jetken. Qala ekonomıkasynda salalyq qurylym, ónerkásip turaqty ósip, joǵary ınvestısııalyq belsendilik baıqalǵan.
Ekibastuz GRES-3 stansııasy salynady: Eldiń elektr energııa óndirisi ulǵaıady
«Búgingi tańda Ekibastuz elimizdiń energetıka jáne metallýrgııa salasynda sheshýshi ról atqaratyn mańyzdy ónerkásip ortalyǵy bolyp otyr. 2025 jylǵy qorytyndy boıynsha qaladaǵy ónerkásip óndirisiniń kólemi 1 629,4 mlrd teńgege jetken. Bul 2024 jylǵy sáıkes kezeńmen salystyrǵanda 28,1%-ǵa artyq. Negizgi kapıtalǵa salynǵan ınvestısııa 429,8 mlrd teńgege jetip, ótken jylǵy kórsetkishpen salystyrǵanda 1,2 ese ósken. Halyqty jumyspen qamtý ekonomıkanyń birneshe sektory arasynda bólingen. Bul bir qala quraýshy kásiporynǵa táýeldiliktiń tómendeýin jáne monofýnksıonaldylyq belginiń joǵalýyn kórsetedi. Osyǵan baılanysty, oń áleýmettik-ekonomıkalyq kórsetkishterdi eskere otyryp, Ekibastuzdy monoqalalar tizbesinen shyǵarý týraly sheshim qabyldandy», delingen mınıstrlik taratqan habarlamada.
Ekibastuzdaǵy alyp murja
Jańartylǵan buıryqpen 19 monoqalanyń tizbesi bekitildi: Abaı, Aqsaı, Aqsý, Altaı, Balqash, Jańaózen, Jitiqara, Lısakovsk, Qarajal, Kentaý, Qulsary, Kýrchatov, Rıdder, Rýdnyı, Sátbaev, Stepnogorsk, Temirtaý, Shahtınsk jáne Hromtaý. Osylaısha, eldegi monoqala sany 20-dan 19-ǵa qysqardy.