Qasym-Jomart Toqaevqa qalanyń áleýmettik-ekonomıkalyq ahýaly jáne negizgi damý baǵyttarynyń iske asyrylýy týraly baıandaldy. Almaty ákimi Darhan Satybaldynyń aıtýynsha, qala ekonomıkasynda oń dınamıka baıqalady, dep habarlaıdy Egemen.kz.
2025 jyldyń qorytyndysy boıynsha ósim 6,5 %-dy qurady, al bıylǵy qańtar-aqpan aılarynda qysqa merzimdi ekonomıkalyq ındıkator 9,4 %-ǵa jetti. Negizgi kórsetkishter ónerkásip, qurylys, kólik jáne saýda salalary esebinen quralady.
Shahardyń ınvestısııalyq portfeli 2,8 trıllıon teńgeden asady. «Almaty» ındýstrııalyq aımaǵy men «Alataý» arnaıy ekonomıkalyq aımaǵyna jańa jobalardy tartý maqsatynda keńeıtý jumystary júrgizilip jatyr.
Almaty elimizdiń IT sektorynda jetekshi ról atqarady. Sıfrlandyrý aıasynda Almaty AI Park qalyptasyp, jasandy ıntellekt negizindegi beınemonıtorıng pen taldaý júıesi damyp keledi.
Týrızm men taý klasterin órkendetý jalǵasady. Bıyl «Shymbulaqty» jańǵyrtý, irgeles shatqaldardy damytý jumystary bastalady. Jobalardy iske asyrý 2029 jylǵy Qysqy Azııa oıyndaryna daıyndyq sharalarymen birge júrgiziledi. Sonymen qatar qonaqúı ınfraqurylymy keńeıtilip jatyr.
Bas jospardy túzetý aıaqtalýǵa jaqyn. Onda qala ishindegi ortalyq modelin damytý jáne taý bókterindegi aýmaqta qurylysqa shekteý engizý kózdelgen.
Toqaev Izraıl Prezıdenti Ishak Gersogpen telefon arqyly sóılesti
Qoǵamdyq kólikti ilgeriletý, sonyń ishinde BRT jelisin keńeıtý, metro qurylysy jáne jańa transporttyq sheshimderdi pysyqtaý negizgi basymdyq sanalady.
Injenerlik ınfraqurylym jáne sýmen jabdyqtaý júıesi jańartylyp jatyr.
Ekologııalyq kún tártibine erekshe nazar aýdarylyp, jylý kózderin jańǵyrtý jáne shyǵaryndylardy azaıtý sharalary qolǵa alyndy.
Kezdesý sońynda Memleket basshysy Almaty AI Park jobasyn jedeldetý, sondaı-aq LRT jáne SkyTrain júıelerin engizý jumystaryn jandandyrý boıynsha birqatar tapsyrma berdi.
Prezıdent «Qazatomónerkásip» basqarma tóraǵasy Meıirjan Iýsýpovty qabyldady