Elordada zııaly qaýym ókilderi Q.Qýanyshbaev teatry mańyndaǵy M.Áýezov eskirtkishiniń aınalasyn qardan tazalady, dep jazady Egemen.kz.
Tazalyq aksııasyna stýdentter de belsene aralasty. Is-shara barysynda aldyńǵy top ókilderi jas izdenýshilerge Muhtar Áýezovtiń ómiri men shyǵarmashylyǵy týraly aıtyp berdi.
«Bul senbilik – ekologııa máselelerine qoǵamnyń nazaryn aýdarýmen qatar, jastarǵa ulttyq mádenıet pen ádebı mura týraly mańyzdy aqparatty jetkizetin is-shara. Ári «Taza Qazaqstan» degen sóz ol jaı ekologııalyq ortanyń tazalyǵy emes, ol jan dúnıeniń, tildiń, rýhtyń, sananyń tazalyǵyn dáripteýge jol ashqany durys. Árkim tazalyqty ózinen bastaıdy dep aıtyp júrmiz. Endeshe adamdar sol tazalyqty tilinen, ádep-ıba minezinen bastasa, onda naǵyz «Taza Qazaqstan» bolar edik. Elimizdi qoqys pen qardan ǵana emes, jemqorlyq pen paraqorlyqtan, ádiletsizdikten de tazartsaq, sonda bizdiń basty mıssııamyzdyń oryndalǵany bolar edi», dedi jazýshy, Halyqaralyq Alash syılyǵynyń laýreaty Tolymbek Ábdiraıym.
Qalalyq ákimdik «Taza Qazaqstan. Astana - tazalyq pen tártiptiń úlgisi» aksııasy jalǵasyp jatqanyn málim etti.
Ekoaksııa sheńberinde shaharda qalany, aryq, káriz jelilerin sanıtarlyq tazalaý, kóshelerdi, trotýarlardy, oramishilik aýmaqtardy, qoǵamdyq keńistikter men aýlalardy tazalaý jumystary júrgizilip jatyr.