17 jeltoqsan kúni Almaty qalasy Mega oıyn-saýyq ortalyǵynda Disney stýdııasynyń «Mýfasa. Arystan patsha» anımasııalyq fılminiń gala-tusaýkeseri ótedi, dep habarlaıdy Egemen.kz.
Kórsetilimge til janashyrlary, qoǵam qaıratkerleri men depýtattar, dýblıaj akterlary, jýrnalıster men blogerler qatysady.
«Qazaq tili» qoǵamynyń uıytqy bolýymen bıyldan bastap iri halyqaralyq stýdııalar álemdik premeralaryn qazaq tilinde usyna bastady. Osy bastama aıasynda Disney stýdııasy bıyl «Oıjumbaq 2», «Moana 2», «Mýfasa. Arystan patsha» dep atalatyn úsh fılmin qazaq tiline aýdaryp, dýblıaj jumystaryn qarjylandyrdy.
Qazaq tiliniń iri halyqaralyq stýdııalar óz qarajatymen qoldaıtyn tilderdiń qataryna qosylýy – tilimizdiń damýy úshin óte mańyzdy oqıǵa.
Aıta keteıik, «Oıjumbaq 2», «Moana 2» týyndylarynyń qazaq tilindegi dýblıajy kassalyq tabys úlesi boıynsha jańa rekordtar ornatty.