Shaı - álemdegi eń tanymal sýsyndardyń biri. Ony tańerteń de, túste de, keshte de iship jatady jáne kóp adam shaıdy tamaqpen birge ishkendi unatady. Degenmen dárigerler bul ádettiń zııany da kóp ekenin aıtady, dep habarlaıdy Egemen.kz.
Dárigerler túski nemese keshki astan keıin shaı ishý as qorytýdy buzyp, temirdiń aǵzaǵa sińýin azaıtatynyn aıtady.
«Shaı japyraqtarynda tanınder bar, olar tamaq arqyly aǵzaǵa túsetin temirmen aralasyp, sonyń saldarynan bul mańyzdy mıkroelement sińirilmeı qalady. Bul, óz kezeginde, densaýlyqqa jaǵymsyz saldarǵa ákelýi múmkin», - dep jazady Tsn.ua basylymyna siltep Almaty.tv.
Denedegi temir jetispeýshiligi anemııa, bulshyqet tini problemalaryn, sozylmaly sharshaýdy jáne bas aýrýyn týdyrýy múmkin. Bul ásirese balalar men júkti áıelder úshin qaýipti.
Sýsyndy ishýdiń densaýlyqqa jaǵymsyz saldaryn boldyrmas úshin dárigerler shaıdy túski nemese keshki astan keıin otyz mınýttan keıin ishýdi usynady. Denege barlyq paıdaly dárýmen men mıkroelementterdi sińirý úshin otyz mınýt jetkilikti bolady. Tańǵy as kezinde shaıdy maıly taǵamdarmen ishýge bolmaıdy.
«Dárigerler sondaı-aq tamaqtan keıin kók shaı nemese shóp tunbalaryn ishýdi jáne qoıý qara shaı ishýden bas tartýdy usynady. О́ıtkeni kók shaıda qara shaıǵa qaraǵanda tanınder áldeqaıda az, al shópten jasalǵan sýsyndar qorektik zattardyń qorytylýyna jáne sińýine áser etedi. Sondaı-aq qantty shamadan tys paıdalanbaý kerek, bir kese shaıǵa bir qasyq qant jetkilikti», deıdi mamandar.