2023 jyly otandyq «QVM Technology», «Ordabasy Group» jáne «Ervıra» kompanııalary grýzııalyq «Olive Georgia» kompanııasymen birlesip, Jetisý, Túrkistan jáne Mańǵystaý oblystarynda záıtún aǵashtarynyń kóshetterin tájirıbelik otyrǵyzý týraly kelisimge qol qoıdy, dep habarlaıdy Egemen.kz.
Alǵashqy 6080 kóshet otyrǵyzyldy. Aldyn ala málimet boıynsha, kóshetterdiń 99,7%-y jaqsy ómirsheńdik deńgeıin kórsetti. Alǵashqy ónimdi 5 jyldan keıin jınaý josparlanyp otyr.
2024 jyldyń kókteminde Ispanııa men Túrkııadan ákelingen kóshetter otyrǵyzyldy.
2025 jyldyń sońyna deıin otandyq kompanııalar 1000 gektar aýmaqqa záıtún aǵashtarynyń kóshetterin otyrǵyzýdy josparlap otyr.
Joba aıasynda ǵylymı qoldaý kórsetý qarastyrylǵan: Ispanııanyń Kordova ýnıversıtetiniń professory Pablo Morellonyń jetekshiligimen topyraq, klımat, meteorologııalyq derekterdi jınaý jáne taldaý jumystary júrgiziledi.
«QVM Technology» JShS 2030 jylǵa qaraı záıtún óńdeý jáne záıtún maıyn óndirý zaýytyn iske qosýdy josparlap otyr.