Elimizde mektepke deıingi bilim berýdi qoljetimdi etý jáne onyń sapasyn arttyrý maqsatynda balabaqshalardy qarjylandyrý júıesi qaıta qaraldy, dep jazady Egemen.kz.
Jańa ózgeris boıynsha ata-analar balasyna balabaqshany ózi tańdaı alady jáne balanyń bilim alýyna qajetti qarjy memleketten tikeleı mektepke deıingi uıymǵa emes, bala tańdaǵan mekemege beriledi. Mundaı mehanızm jekede jáne memlekettik balabaqshalar arasynda básekelestik qalyptastyrýǵa baǵyttalǵan.
«О́ıtkeni olardyń basshylyǵy múmkindiginshe kóbirek bala tartý úshin bilim berý sapasyn arttyrýǵa jáne bilikti tárbıeshilerdi jumysqa alýǵa májbúr bolady. Qazirgi ýaqytta bul mehanızm Qazaqstannyń tórt qalasynda – Tarazda, Shymkentte, Túrkistanda jáne Oralda pılottyq rejımde engizilgen. Aldaǵy ýaqytta ony búkil el boıynsha masshtabtaý josparlanyp otyr», delingen Úkimet habarlamasynda.
Mektepke deıingi uıymdarda balabaqshaǵa barmaıtyn balalardyń ata-analary úshin 4,2 myńnan astam konsýltasııalyq pýnkt jumys isteıdi. Bul tarmaq balalardy tárbıeleý men damytýǵa mańyzdy kómek kórsetedi, olardy oqytý men mektepke daıyndaýdyń teń bastapqy jaǵdaılaryn qamtamasyz etedi.
Osy jyly 328 myńnan astam ata-ana men balaǵa ádistemelik jáne pedagogıkalyq qoldaý kórsetilgen.