Elimiz «Superpave» (superior performing Asphalt Pavements) ınnovasııalyq tehnologııasyn engizýmen bolashaqqa senimdi qadam jasap otyr. Asfalt beton jabyndaryn jobalaýdyń bul zamanaýı tásili joldardyń beriktigi men senimdiligin qamtamasyz ete otyryp, eldiń klımattyq jaǵdaılary jáne kólik júktemeleriniń qarqynyn eskerýge múmkindik beredi.
«Superpave» aptap ystyqtan qatty aıazǵa deıin ekstremaldy temperatýraǵa tótep bere alatyn jabyndardy jasaýǵa arnalǵan. Ádisteme aımaqtyń klımattyq erekshelikterine negizdelgen asfalt beton qospasynyń komponentterin muqııat tańdaýdy jáne tozýǵa tózimdilikti baǵalaý úshin zamanaýı modeldeý tehnologııalaryn qoldanýdy qamtıdy. PG (PerformanceGrade) – Qazaqstan úshin bıtýmmodıfıkasııasynyń fokýsy bar Superpave tehnologııasynda qoldanylatyn asfalt betondy tutqyr zattardy jikteý júıesi PG - Gradebıtým quramyn jazǵy dalanyń aptap ystyǵynan qystyń qatty aıazyna deıingi temperatýranyń shekten tys ózgerýine beıimdeýge múmkindik beredi.
2023 jyldan bastap L.N. Gýmılev atyndaǵy Eýrazııa ulttyq ýnıversıteti mamandarynyń jumys toby BR 21882278 «Qazaqstan Respýblıkasynyń qurylys, jol-qurylys sektorynyń akkredıttelgen qyzmetteriniń tolyq sıklin kórsetý jónindegi qurylys-tehnıkalyq ınjınırıngtik ortalyǵyn qurý» jobasyn iske asyryp otyr. Sonyń sheńberinde «Superpave» tehnologııasyn Qazaqstanǵa beıimdeý boıynsha belsendi jumys atqarylyp jatyr.
Jyl sońynda ýnıversıtet ǵalymdary otandyq polımerlerdi paıdalana otyryp, jergilikti shıkizat negizinde jańa polımermen modıfıkasııalanǵan bıtým (PMB) jasap shyǵardy. Bul – 100% otandyq ónim. Sondaı-aq osy ǵylymı zertteýler suıyq munaı qaldyqtarynan jáne qaıtalama polıpropılennen PMB alý ádisterine patentter berýge ákeldi. Endi tájirıbelik - ónerkásiptik synaqtardy iske qosý jáne PMB-ny odan ári engizý úshin ázirlemelerdi ónerkásiptik óndiriske engizýge baǵdarlanǵan «Polımertek» Start-upkompanııasy quryldy. Aldaǵy jyly Astanadaǵy tájirıbelik ýchaskelerde «Superpave» tehnologııasy boıynsha jasalǵan jol jabyndaryn testileý bastalady.
Sonymen qatar «Avtomobıl joldary sapasynyń ulttyq ortalyǵy» RMK jáne «QazjolǴZI» AQ-men yntymaqtastyqta halyqaralyq standarttarǵa sáıkes keletin normatıvtik-tehnıkalyq talaptardy ázirleý boıynsha jumystar júrgizilip otyr.
Bir sózben aıtqanda, sarapshylar «Superpave» tehnologııasyn qoldaný elimizdiń kólik júıesin jańǵyrtýdaǵy mańyzdy qadam bolatynyn atap ótti. Bul joldardyń sapasyn jaqsartýdy qamtamasyz etip qana qoımaı, eldiń halyqaralyq arenadaǵy pozısııasyn nyǵaıtady.