Merekelik dýman

Atap aıtsaq, Al­ma­ty aýdanynda Tá­ýel­sizdik dańǵy­ly boıyndaǵy Oqýshylar sa­raıy­nyń aýmaǵynda, Baı­qońyr aýda­nynyń Atatúrik saıabaǵynyń aýmaǵynda, Nura aýdanyndaǵy Ortalyq saıabaqta jáne Sa­ry­arqa aýdanynyń «Kóktal» saıabaǵynda saǵat 12.00-den 13.30-ǵa deıin merekelik konserttik baǵdarlamalar usynyldy. Al Saraıshyq aýdanynda Pro­myshlennyı turǵyn alabynda jańa jyldyq baǵdarlama saǵat 13.00-den 14.30-ǵa deıin sozyldy.

Túngi ýaqytta qalanyń úsh ornynda merekelik is-sha­ralar uıymdastyryldy. 31 jel­toq­sanda saǵat 21:00-den 02:00-ge deıin qalalyq alańda (qala ákim­diginiń aldynda), «Qazaq eli» monýmenti men EKSPO alańynyń aýmaǵynda estrada juldyzdary men shyǵarmashylyq ujym­dardyń qatysýymen qala tur­ǵyn­dary men qonaqtary úshin jańa jyldyq merekelik konsertter ótti.

Is-sharalarǵa estrada jul­dyzdary Almas Kishkenbaev, Aýree, Erkesh Hasen, Beıbit Qor­ǵan, Qaırat Baekenov, Zarına Omarova, Ilhan Ihsan, Qurmash Mahan, Marjan Arapbaeva, Álisher Kárimov, sol sııaqty «Zaman» jáne «Melomen» toptary, basqa da ártister qatysyp, óner kórsetti.