Arnaýly áleýmettik qyzmetter lısenzııalanady

Lısenzııalaýdy engizý – arnaýly áleýmettik qyzmetter kór­setý júıesin jańǵyrtý kezeń­deri­niń biri, ol kórsetiletin qyzmet­ter­diń sapasyn arttyrýǵa, kór­setiletin qyzmetti alýshylardyń qaýipsiz­digi men quqyqtaryn qorǵaýǵa kepildik berýge, AÁQ usynatyn uıymdar úshin biryńǵaı standarttardy belgileýge baǵyttalǵan.

Arnaýly áleýmettik qyzmetter kórsetetin barlyq menshik nysanyndaǵy uıymdar lısenzııalanady. Lısenzııa alýdyń negizgi sharttary: sanıtarlyq normalar men órt qaýipsizdigi ere­jelerine sáıkes keletin arnaý­ly áleýmettik qyzmet kórse­tý­ge jaramdy ǵımarattyń bolýy, qajetti materıaldyq-tehnıka­lyq bazanyń jáne qyzmetkerler quramynyń bolýy, halyqtyń júrip turýy shekteýli toptary úshin ǵımarattyń qoljetimdiligin qamtamasyz etý, taǵy basqalar.

2024 jyldyń qazan aıynan bastap EHÁQM Áleýmettik qor­ǵaý salasyndaǵy retteý jáne baqylaý komıtetiniń aýmaqtyq departamentteri lısenzııa aldy taldaý júrgizdi, jergilikti atqarý­shy organdarmen, ÚEU-men bir­le­sip, AÁQ kórsetetin barlyq uıym­­dy lısenzııalaýǵa daıyn­daý máseleleri pysyqtaldy. Lı­sen­zııa alýǵa ótinim Áleý­met­tik qyz­­metter portaly (aleumet.egov.kz) ar­qyly beriledi.

Lısenzııalaý kórsetiletin arnaýly áleýmettik qyzmetterdiń sapasyn arttyrý, múgedektigi bar adamdardy jáne kórsetiletin qyzmetti alýshylardyń ózge de sanattaryn áleýmettik ońaltýdyń tıimdiligin kóterý úshin jaǵdaılar jasaıdy, sondaı-aq osy saladaǵy buzýshylyqtar sanyn azaıtýǵa oń yqpal etedi.