Rejısser Gúlshat Smaǵulovanyń «Shatyrdaǵy ekeý» fılmi Kalkýtta qalasynda (Úndistan) ótken «Altyn arystan» (GLIFF) halyqaralyq kınofestıvalinde eki atalym boıynsha jeńimpaz atandy. Týyndy «úzdik tolyqmetrli fılm» dep tanylyp, Best Debut Filmmaker Of Feature Film nomınasııasynda jeńiske jetti.
Aıta keteıik, rejısserdiń alǵashqy fılminiń shyǵarmashylyq quramy da debıýtanttardan turady. Atap aıtsaq, prodıýser – Álııa Sháripbaeva, ssenarıı avtory – Janna Tımofeeva, qoıýshy-sýretshi Elena Aıtova, aktrısa Lıdııa Iаrseva.
Budan bólek kınotýyndy byltyr Nıý-Iorktegi Oniros Film Awards bedeldi konkýrsynyń shırek fınalyna shyqqan edi.
Kınokartına Mádenıet jáne aqparat mınıstrligi men Ulttyq kınony qoldaý ortalyǵynyń qoldaýymen túsirilgen. «Shatyrdaǵy ekeý» fılminde taǵdyry qıyndyqqa toly Damır men aýtızmge shaldyqqan Kostıanyń arasyndaǵy dostyq sýretteledi. Shyǵarmashylyq top kartınada ınklıýzııanyń mańyzyn jáne erekshe balalardyń qoǵamǵa beıimdelý máselesin kótergen.
Marjan Qýatqyzy