Buqar jyraý aýdanynyń ákimi Erlan Qusaıyn Qaraǵandy oblysy óńirlik kommýnıkasııalar qyzmeti alańynda aýdannyń áleýmettik - ekonomıkalyq damýy týraly brıfıng ótkizdi, dep habarlaıdy Egemen.kz.
Aýyl turǵyndaryn sapaly aýyz sýmen qamtý – aýdannyń basty mindetteriniń biri. Qazirgi tańda aýdan halqynyń 99%-y, ıaǵnı 63 eldi meken ortalyqtandyrylǵan sýmen qamtamasyz etilgen. Aldaǵy maqsat – bul kórsetkishti 100% - ǵa jetkizý.
Osy turǵyda ótken jyly Aqjar, Astahovka, Doskeı, Trýdovoe, Aıýly, Alabas aýyldaryndaǵy jáne Qýshoqy kentindegi sý júıelerine jóndeý jumystary júrgizilgen.
Bıylǵy jyly 5 eldi mekende, atap aıtqanda, Staraıa Týzda, Stan, Sevan aýyldarynda sý tazartý modýliniń 3 blogy ornatylyp, Jańaaýyl men Pervoe Maıa aýyldarynda sý qubyrlary jóndeledi. Bul jumystarǵa aýdandyq bıýdjetten 227 mln teńge bólingen.
Jospar boıynsha bıyl barlyq eldi mekender sapaly aýyz sýmen tolyq qamtamasyz etiledi.