2025 jyly áskerı daıyndyqqa 3 myń áskerı mindetti shaqyrylady. Qorǵanys mınıstri Rýslan Jaqsylyqovtyń tıisti buıryǵy «Ashyq NQA» portalynda jarııalandy. Qujat 7 aqpanǵa deıin talqylaýǵa qoljetimdi bolady, dep habarlaıdy Egemen.kz.
Áskerı daıyndyq 2007 jyldan bastap, jyl saıyn ótkiziledi jáne uzaqtyǵy 30 kúnge deıin bolady. Daıyndyqqa qatysýdan jaltarý 5 aılyq eseptik kórsetkish (19 660 teńge) mólsherinde aıyppul salýdy qarastyrady.
Áskerı daıyndyq kezinde áskerı qyzmetshilerdiń jumys oryndary men laýazymdary saqtalady. Olarǵa ortasha jalaqy tólenedi, al jumys istemeıtinderge – memlekettik bıýdjet esebinen eń tómengi jalaqy beriledi.
Áskerı mindettilerdi jınaq ornyna jetkizý jáne olardy keri qaıtaratyn kólik qyzmeti, sondaı-aq tamaqtandyrý Qorǵanys mınıstrligi esebinen júzege asyrylady. Áskerı mindettiler kazarma jaǵdaıynda ustalady. Olardy bólimnen bosatý rotanyń komandırlerimen júzege asyrylady.
2023 jyly Qorǵanys mınıstrligi 1,5 myń qazaqstandyqty áskerı daıyndyqqa shaqyrǵan bolsa, 2024 jyly – 3 myń adam shaqyryldy.