Tup-týra 80 jyl buryn, dál osy kúni Osvensım-Bırkenaý konslagerinen 7 myńǵa jýyq tutqyn keńes áskeriniń kúshimen bostandyqqa shyǵaryldy. Olar 1,3 mıllıon adam toǵytylǵan azap túrmesinen tiri shyqqan sońǵy jandar bolyp tarıhta qaldy. Bul týraly halyqaralyq Holokost qurbandaryn eske alý kúnine oraı BUU-nyń Adam quqyqtary jónindegi Joǵarǵy komıssary Folker Túrik eske aldy, dep habarlaıdy Egemen.kz.
«Biz qurbandardyń rýhyn umytpaımyz, aramyzǵa aman jetkenderine qurmet kórsetemiz jáne adamzat balasy mundaı qatigezdikke jol bermeýge ant bergenin únemi jadymyzda saqtaımyz», dedi BUU Bas quqyq qorǵaýshysy.
Buǵan qosa ol beligili jazýshy, Osvensımnen bosatylǵan tutqyndardyń biri bolǵan Prımo Levıdiń qanatty sózine silteme jasady.
«Bul nárse bastan ótti, sondyqtan ol kez-kelgen jerde, kez kelgen ýaqytta qaıtalanýy múmkin».
Aıta keteıik, halyqaralyq Holokost qurbandaryn eske alý kúni Birikken ulttar uıymynda 2005 jyly bekitilgen edi.