ASTANA. 2 mamyr. Aqtaýda ústine dúkenniń jarnama bılbordy qulap ketken 5 jasar qyz aýyr jaraqat aldy. Bul týraly lada.kz habarlady.
Qazirgi tańda qyz bala oblystyq balalar aýrýhanasynyń travmatologııalyq bóliminde em-dom qabyldaýda. Dárigerler zardap shegýshiniń jabyq bas-súıek jaraqatyn alǵanyn anyqtaǵan. Sondaı-aq, qyz balanyń aıaǵy synyp, basqa da dene jaraqattary tirkelgen.
Oqıǵa 29 sáýirde qalanyń 15-shaǵyn aýdanynda bolǵan. Qyzdyń anasy, 34 jastaǵy áıeldiń aıtýynsha, keleńsiz jaıt qas-qaǵym sátte oryn alǵan eken. «Qyzym aýdandaǵy úshinshi úıde ornalasqan dúkenniń janynda turǵan edi. Kenet joǵaryda ilinip turǵan bılbord qyzymnyń ústine qulap ketti», – deıdi anasy.
Qazirgi tańda atalǵan derek boıynsha tergeý amaldary júrgizilýde.
Elaman Qońyr.
Derek: lada.kz.
Sýret: aktau-man.all.biz