Senattyń Qarjy jáne bıýdjet komıtetiniń depýtattary «Astana» halyqaralyq qarjy ortalyǵyna bardy, dep jazady Egemen.kz.
Senat depýtattary ortalyqtyń damýy men negizgi qyzmet baǵyttaryn talqylap, ınvestısııa tartý, «jasyl» qarjyny damytý jáne startaptardy qoldaý boıynsha atqarylǵan jumystardyń nátıjesinen habardar boldy.
«AHQO-nyń Sot jáne Arbıtraj ortalyǵynyń, sondaı-aq ornyqty ınvestısııalar naryǵyn belsendi damytyp otyrǵan «Jasyl» qarjy ortalyǵynyń qyzmetine basa nazar aýdaryldy. 2024 jyly Qazaqstandaǵy «jasyl» oblıgasııalar kólemi 3,5 esege artty», delingen Senat habarlamasynda.
Depýtattar sonymen qatar AHQO-nyń sıfrlyq aktıvter men ınnovasııalyq tehnologııalar salasyndaǵy bastamalarymen de tanysty.