Joǵarǵy sot Qostanaı qalasynyń ákimdigine 5 balaly ananyń turǵyn úı kezegin qalpyna keltirýdi mindettedi, dep habarlaıdy Egemen.kz.
Qostanaı qalasynda az qamtylǵan jáne halyqtyń áleýmettik qorǵalatyn tobyna jatatyn kóp balaly otbasy 2009 jyly memlekettik turǵyn úı qorynan úı alýǵa kezekke turǵan.
Joǵarǵy Sot baspasóz qyzmetiniń habarlaýynsha, kezekke turǵan ýaqytta erli-zaıyptynyń bes balasy (1 men 22 jas aralyǵynda) bolǵan. Arada 10 jyl ótken soń, otbasyna Qostanaıdan úsh bólmeli páter berilgen.
«Alaıda, 3 aı ótkennen keıin qala ákimdiginiń turǵyn úı qatynastary bólimi úıdiń berilgenin qate dep, aldaǵy ýaqytta basqa páter berýge ýáde berip, turyp jatqan páterdi qaıtarýdy talap etken.
2024 jyly 5 balanyń anasyna 2019 jyly turǵyn úı kezeginen ózine eskertpesten alyp tastaǵany belgili bolǵan. Onyń ótinishine Turǵyn úı qatynastary bóliminen kezekke qaıta qoıý máselesi sot arqyly sheshilýi tıis degen jaýap kelgen», delingen habarlamada.
MAÁS-y daýdy qaraı kele, Turǵyn úı qatynastary bóliminiń ótinish berýshini kezekke qalpyna keltirýden bas tartýyn zańsyz dep sanap, talap qoıýshyny kezekten shyǵarý kezinde is júrgizý buzýshylyq rásimderi anyqtaldy, nátıjesinde bas tartý zańsyz dep tanylyp, kúshi joıyldy.
Sot jaýapkerdiń zańbuzýshylyqtaryna nazar aýdara otyryp, aldaǵy ýaqytta osyndaı oqıǵalardyń qaıtalanbaýy úshin Qostanaı qalasynyń ákimine jeke uıǵarym shyǵardy.
Sheshim zańdy kúshine engen joq.