Áıel polıseıler jańadan qurylǵan Otbasylyq turmystyq-zorlyq-zombylyqqa qarsy kúres jónindegi bólimshede qyzmet atqaratyn bolady. Bul týraly Ortalyq kommýnıkasııalar qyzmetinde ótken baspasóz máslıhatynda QR IIM Ákimshilik polısııa komıteti tóraǵasynyń orynbasary Renat Zulqaıyrov atap ótti, dep habarlaıdy Egemen.kz.
Memleket basshysynyń tapsyrmasyn oryndaý maqsatynda Ishki Ister Mınıstriniń buıryǵymen eldiń barlyq polısııa bólimshelerinde bıylǵy jylǵy qańtar aıynda otbasylyq-turmystyq zorlyq-zombylyqqa qarsy kúres jónindegi mamandandyrylǵan bólimsheler quryldy. Bul zorlyq-zombylyq qurbandaryn qorǵaý jáne quqyq buzýshylardy qaıta áleýmettendirýdegi mańyzdy qadam.
Polısııa polkovnıgi Renat Zulqaıyrov jańa bólimsheniń basshysy laýazymyna dál osy salada 20 jyldan astam tájirıbesi bar, otbasynyń qaýipsizdigi qanshalyqty mańyzdy ekenin jaqsy biletin, alty balanyń anasy polısııa podpolkovnıgi Aqmaral Serikbaeva taǵaıyndalǵanyn aıtty.