QR Qarjy naryǵyn retteý jáne damytý agenttigi tóraǵasynyń orynbasary Marııa Hadjıevanyń aıtýynsha, sońǵy bes jylda aksııalar naryǵy 40% -ǵa ósip, al onyń kapıtaldanýy $63 mlrd jetken. Bul eldiń JIО́-niń 26% -yn quraıdy.
Marııa Hadjıeva juma kúni Joining Tabadul Digital Hub konferensııasynda shyǵarylǵan korporatıvtik oblıgasııalardyń jalpy kólemi JIО́-niń 11%-yn qurap, $26 mlrd jetkenin aıtty.
Orta eseppen alǵanda, jyl saıyn naryqqa 30-ǵa jýyq jańa aksııalar men oblıgasııalar emıtenti shyǵady. Al KASE saýda tizimindegi quraldardyń jalpy sany 1 904.
«Bankterdiń qor naryǵyna qatysýy boıynsha múmkindikteriniń keńeıýi shottarynyń sany 3,5 mln-ǵa jetken bólshek ınvestorlardyń aıtarlyqtaı ósýine alyp keldi», dep atap ótti KASE basshysynyń orynbasary.
Búgingi tańda negizgi ınstıtýsıonaldyq ınvestorlar bankter, saqtandyrý uıymdary, BJZQ jáne endaýment qorlary bolyp tabylady, olardyń ınvestısııalyq portfeli $63 mlrd. Aqparat boıynsha, sońǵy birneshe jylda «KEGOC», «Qazatomónerkásip», «QazMunaıGaz» jáne «Air Astana» ulttyq kompanııalarynyń IPO ótken jergilikti ınvestorlardyń ishki suranysy usynystan eki esege asyp tústi.
«Qarjy sektory eldiń ekonomıkalyq ósimin yntalandyrýda mańyzdy ról atqarady. Qarjy uıymdary aktıvteriniń jalpy kólemi JIО́-niń 55% -yn qurap, $134 mlrd-qa jetti», dep qortyndylady Hadjıeva.