Depýtattyń jazýynsha, Kaspıı qubyr konsorsıýmyna ýkraındyq drondar ashyq shabýyldady. Bul bombalaýdy Ýkraınanyń qarýly kúshteri rastady. Degenmen, atqylaýdyń sebebi boıynsha olardyń pozısııasy anyq emes.
«Ne úshin, nege?» degen suraqtarǵa naqty saıası jaýap alýymyz kerek. О́ıtkeni, bul strategııalyq qubyr arqyly qazaqstandyq munaı tasymaldanatyny barlyǵyna málim. Iаǵnı, bul qarýly shabýyldy iri halyqaralyq jobaǵa jasalǵan qııanat dep baǵalaýǵa bolady. Odan qalsa, bizdiń elimizdegi óndiriletin munaıda AQSh, Eýropa memleketterimen ortaqtasqan iri Transulttyq kompanııalardyń úlesi bar ekeni anyq. Eń bastysy AQSh, Eýropa men Qazaqstan árdaıym osy soǵystyń beıbit aıaqtalýy úshin óziniń tikeleı saıası kózqarasyn bildirip júr. Naqtylasaq, Qazaqstan bul arnaıy áskerı operasııany basynan bastap qoldamaǵan jáne pozısııasyn ashyq jarııalady. Reseıdi soǵysty toqtatýǵa da shaqyrdy. Barlyq taraptarǵa arnaıy alań berýge daıyn ekenin ashyq jarııalap, shıelenistiń beıbit túrde sheshilýin jáne oǵan BUU-nyń aralasýyn da usyndy. Sondyqtan, tez arada atalǵan shabýylǵa Ýkraına barlyq halyqaralyq sharttarǵa sáıkes saıası jaýap berýi tıis dep oılaımyn. Bul máseleni Syrtqy ister mınıstrligi óz baqylaýyna alǵany jón», dep jazdy ol.
Aıta keteıik, buǵan deıin 17 aqpanda Kaspıı qubyr konsorsıýmynyń munaı tasymaldaý nysany – «Kropotkınskaıa» munaı aıdaý stansııasyna ushqyshsyz ushý apparaty shabýyl jasaǵan edi.
Kompanııa bul áreketti «terrorıstik shabýyl» dep atady.