Jeńis az, jeńilis kóp

Daıyndyq jumysyn Alma­ty­da bastaǵan «Qaırat» kóp uza­maı Anadoly eline attandy.­ Biraq Qaırat Boranbaevtyń qam­qor­lyǵyndaǵy komanda úshin Túrkııa sapary sonshalyqty sátti bolmady. Alataý baýraıynda qyrǵyzdyń «Dordaıyn» jeńgen jerlesterimiz Jerorta teńizi jaǵalaýynda bilgenderinen jańyldy. Antalıa men Belekte olar alty joldastyq kezdesý ótkizip, birde-bir ret jeńistiń dámin tata almady. Bosnııa men Gersegovınanyń «Borasi» (0:0), Grýzııanyń «Samgýralıimen» (1:1) teń tússe, Grýzııanyń «Iberııasy» (0:1), Reseıdiń «KamAZ» (2:4), «Hımkı» (0:2), «Parı» (2:4), «Dınamo Mahachkala» (0:1) klýbtarynan utyldy. Eń ókinishtisi, byltyrǵy el chempıony, otan­dyq fýtboldyń kóshbasshysy sanala­­tyn «Qaırat» ortań qol ujymdar­dan utyldy. Aıtalyq, «Boras» pen «Iberııa» óz elde­rindegi úz­dikter sanatyndaǵy komandalar, qalǵandary – Reseı sýper­lıgasynyń aýtsaıderleri. Al­matylyqtar bıyl ÝEFA Chem­pıondar lıgasynda baq synaýǵa tıis.

«Astana» oqý-jattyǵý jıy­nyn­ Birikken Arab Ámirlikte­rin­de (BAÁ) ótkizdi. Elordalyq klýb­­tyń da reseılik komandalarǵa áli ­jet­pedi. Olar Máskeýdiń «Spar­tagi» (1:4) men «Krasnodarǵa» (0:1) ese jiberdi. Osy oraıda, qos klýb­tyń da óz elderinde myqtylar sanatynda ekenin eskergen jón. Esesine «Astana» BAÁ-niń «Galf Iýnaıtedi» (4:1) men «Arabıan Falkonsin» (6:1), Qytaı­dyń­ «Chjeszıanin» (3:0) jeńip, Samarqandtyń «Dınamosymen» (2:2) upaı bólisti.

Qarjylyq jaǵdaıy jaqsy «Orda­basy» maýsym aralyǵyn­da BAÁ men Túrkııaǵa saparlap qaıtty. Birneshe klýbpen sheberlik baıqasty. Shymkent fýtbolshylary Máskeýdiń SSKA-sy (0:3) men Grýzııa­nyń «Garedjıiniń» (1:3) osal tusyn taba almady. Grýzııanyń «Telavı» (6:1), «Iberııas» (1:0) ko­­man­dalaryn tize búktirip, О́zbek­­stannyń AGMK-symen (1:1), Mol­dovanyń «Mılsamıimen» (0:0) teń oınady.

«Aqtóbe» Ýkraınanyń «Ko­losynan» (2:1), Groznyıdyń «Ahma­ty­nan» (1:0) aılasyn asyryp, О́zbek­stannyń «Buqarasy» (2:2), «Býnıod­kory» (0:0), Kosovonyń «Dýkad­jınıimen» (1:1) teń tústi. О́zbek­terdiń «Pahtakory» (0:1), Sofııa­nyń «Lokomotıvine» (1:3) jol berdi.

Anadoly elinde «Tobyldyń» da juldyzy jana qoımady. Jıyn kezinde ótkizgen jeti kezdesýdiń tek bireýinde ǵana qostanaılyqtar­dyń baǵy jandy. Olar О́zbekstan­nyń «Sogdıanasyna» (4:2) san soqtyrdy. Kosovonyń «Balkanı» (0:1), Latvııanyń «Rıga» (1:2), Máskeýdiń «Krylıa Sovetoviniń» (0:3) aldynda dármensizdik tanytty. Majarstannyń «Vashash» ­(2:2), Reseıdiń «Chernomoresi» (1:1), «Shınnıgine» (2:2) qarsy básekede jeńimpaz anyqtalmady.

Semeıdiń «Elimaıy» joldas­tyq kezdesýlerin jeńispen bas­tady. Serbııanyń «Chýkarıch­kıi» (1:0), Makedonııanyń «Shken­dııa­syna» (3:0) shań qaptyrdy. О́zbektiń «Pahtakory», Kosovonyń «Gılıanıine» qarsy matchtar 1:1 esebimen aıaqtaldy. Odan keıin qatarynan úsh oıynda utyldy: «Buqara» (0:2), «Baltıka» (0:1), «Neftchı» (2:3). Sońǵy kezdesýinde Grýzııanyń «Samtredııasynan» ­3:2 esebimen basym tústi.

Elimizdiń ózge klýbtary da oqý-jattyǵý jıyny barysynda birneshe joldastyq kezdesý ót­­kizdi. Qarsylastar qatarynda Reseı, О́zbekstan, Qyrǵyzstan­nan bólek, Rýmynııa, Albanııa, Bol­garııa, Ázerbaıjan, Kosovo, Pol­sha, Slovakııa, Chernogorııa, Chehııa, Moldova taǵy basqa mem­leket­terdiń ókilderi boldy. О́ki­nish­ke qaraı, elimizdiń komanda­lary óz oıyndarynyń basym bóli­ginde jeńilis tapty nemese teń oınady. Jeńis toıyn toılaǵan kezi­miz sırek.

Bıylǵy el chempıonatynyń tusaýy erteń kesiledi. Alǵashqy týrda «Astana» men «Qaırat», «Atyraý» men «Elimaı», «Qaısar» men «Jeńis», «Qyzyljar» men «Jetisý», «Ordabasy» men «Aqtóbe», «Tobyl» men «Ulytaý» ózara sheberlik baıqasady.