Kýrorttyq aımaqtarda jyldam taralyp jatqan denge bezgegi endi Taılandta da tirkelgen.Buǵan deıin Indonezııanyń Balı aralynda demalýshylar dene qyzýynyń kóterilýi, júrek aıný, denede bórtpe paıda bolýy sekildi belgilerge shaǵymdanǵan, dep habarlaıdy Egemen.kz.
Mamandardyń aıtýynsha, aýrýdyń taralýyna tolassyz jaýǵan jaýynnan keıingi masalardyń kóbeıýi sebep bolǵan. Aıta keteıik, ınfeksııa Aedes aegypti masalary arqyly taralady jáne tropıkalyq aımaqtarda belsendi túrde órshıdi.
Jergilikti medısına qyzmetkerleri týrısterge parasetamol ishýge jáne ishki qan ketýdiń aldyn alý úshin kúndelikti qan tapsyryp turýǵa keńes bergen. Naýqastardyń aıtýynsha, repellentter men fýmıgatorlar aıtarlyqtaı kómektespegen.
Vırýs juqtyryp, jazylǵan adamdardyń kópshiligi keıin shashtyń shamadan tys túsýin baıqap, dárigerlerge júgingen. Bul denge bezgeginiń aǵzaǵa tıgizetin uzaq merzimdi áserleriniń biri bolýy múmkin.