Úkimet otyrysynda kólik mınıstri Marat Qarabaev qalǵan 3,6 myń shaqyrym boıynsha qarjylandyrý máselesi halyqaralyq qarjy ınstıtýttarymen talqylanyp jatqandyǵyn atap ótti. Qurylys jumystaryn júrgizý halyqaralyq qarjy ınstıtýttarynyń esebinen júzege asyrylady dep boljanyp otyr.
«Bul «Jezqazǵan – Qaraǵandy», «Aqtóbe – Ulǵaısyn», «Atyraý – Dossor» jańa jobalary, sondaı-aq Saryaǵash, Rýdnyı jáne Qyzylorda qalalaryn aınalyp ótetin joldar. Osy jobalardy iske asyrý úshin HQDB, EQDB, ADB jáne basqalaryn qosqanda, halyqaralyq qarjy ınstıtýttarymen jeńildetilgen qarjy bólý týraly ýaǵdalastyqqa qol jetkizildi», dedi ol.
Onyń aıtýynsha, tenderlerge qatysý kezinde otandyq kompanııalarǵa preferensııalar bere otyryp, konkýrstyq sharttardy qaıta qaraý mańyzdy qadam bolǵan.
«Bul qazaqstandyq kásiporyndardy qurylys jumystaryna kóbirek tartýǵa múmkindik berdi. Máselen, «Qaraǵandy – Jezqazǵan» jobasy boıynsha tenderge qatysýshylar sany 2-den 10-ǵa deıin ósti», dedi Marat Qarabaev.