Saýda jáne ıntegrasııa mınıstri Arman Shaqqalıev pen О́zbekstannyń Investısııalar, ónerkásip jáne saýda mınıstri Lazız Qýdratovtyń ekijaqty kezdesýi ótti, dep habarlaıdy Egemen.kz.
Kelissózder barysynda taraptar jalpy somasy 7 mıllıard dollardy quraıtyn Jol kartasy jobalaryn iske asyrý, «Ortalyq Azııa» halyqaralyq ónerkásiptik kooperasııa ortalyǵynyń normatıvtik-quqyqtyq bazasyn damytý jáne UZKAZTRADE birlesken kásipornynyń qyzmetin keńeıtý máselelerin talqylady.
Sondaı-aq shekara mańyndaǵy yntymaqtastyqty damytý, ónerkásiptik kooperasııany tereńdetý jáne eki eldiń bıznesin qoldaýdyń jańa quraldaryn qurý máseleleri sóz boldy.
Mınıstrler 2030 jylǵa deıin ózara saýdany 10 mıllıard dollarǵa deıin arttyrý baǵdarlamasyna qol qoıyp, 2025 jylǵa arnalǵan Qazaqstan men О́zbekstan óńirleriniń ózara saparlar kestesin bekitti. Bul óńiraralyq yntymaqtastyqty jandandyryp, birlesken ınvestısııalyq jobalardy júzege asyrýǵa múmkindik beredi.
Osy seriktestiktiń nátıjesiniń biri – Termez halyqaralyq saýda ortalyǵy aýmaǵynda Qazaqstan pavılonynyń ashylýy boldy.
«Búgingi shara – Qazaqstan, О́zbekstan jáne Aýǵanstan arasyndaǵy saýda-ekonomıkalyq baılanystardyń nyǵaıýynyń jarqyn kórinisi. Eki eldi tek kórshilestik qana emes, ártúrli salalardaǵy qarqyndy damyp kele jatqan yntymaqtastyq biriktiredi», dep atap ótti Arman Shaqqalıev.
Saltanatty is-sharaǵa О́zbekstan Investısııalar jáne ónerkásip mınıstriniń orynbasary Hýrram Teshabaev, Qazaqstannyń О́zbekstandaǵy elshisi Beıbit Atamqulov, Qazaqstan Respýblıkasynyń Aýǵanstandaǵy ýaqytsha senimdi ókili Gazız Aqbasov, Aýǵanstan kásipkerler palatasynyń aǵa zańgerlik jáne halyqaralyq keńesshisi Hadjı Kalandar Rahımı jáne basqa da qurmetti qonaqtar qatysty.
Pavılon – «QazTrade» Saýda saıasatyn damytý ortalyǵy» AQ qurǵan qazaqstandyq shıkizattyq emes eksportty ilgeriletýdiń sheteldik ınfraqurylymynyń bir bóligi. Ol qazaqstandyq taýarlardy tanystyrý, ótkizý naryqtaryn keńeıtý, jańa saýda kelisimderin jasaý jáne bıznes qaýymdastyqtary arasyndaǵy baılanysty nyǵaıtý úshin negizgi alańǵa aınalady.
Qazirgi ýaqytta pavılonda qazaqstandyq óndirýshilerdiń azyq-túlik ónimderi men halyq tutynatyn taýarlary usynylǵan. Al eki eldiń óńir basshylarynyń saparlary bastalǵannan keıin ózbekstandyq tutynýshylarǵa usynylatyn qazaqstandyq ónimderdiń assortımenti keńeıedi.
Aıta keteıik, Termezdegi pavılon – Qazaqstan men Ortalyq Azııa elderi arasyndaǵy saýda-ekonomıkalyq yntymaqtastyqty damytýǵa baǵyttalǵan strategııalyq qadam bolyp esepteledi.