Balýan Álimhan Syzdyqov grek-rım kúresinen Iordanııanyń astanasy Ammanda ótip jatqan Azııa chempıonatynda ekinshi orynǵa ıe boldy, dep habarlaıdy Egemen.kz.
Otandasymyz 130 keli salmaqta el namysyn qorǵady.
Balýan aqtyq synda ırandyq Fardın Hedaıatımen ózara myqtyny anyqtady. Tartysty beldesýde Álimhan Syzdyqov qarsylasyna 0:7 esebimen jol berdi.
Osylaısha Qazaqstan quramasynyń qorjynynda úsh medal bar. Buǵan deıin Ibragım Magomadov (77 kelige deıin) jáne Shamıl Ojaev (87 kelige deıin) qola júldege ıe bolǵan edi.