TÚRKSOI Halyqaralyq Túrki mádenıeti uıymy osy jyldy Nurǵısa Tilendıevti eske alý jyly dep jarııalady. Bul týraly uıymnyń bas hatshysy Sultan Raev málimdedi, dep jazady Egemen.kz.
Nurǵısa Tilendıevtiń 100 jyldyǵyna oraı Qazaqstan men túrki elderinde konsertter, ǵylymı konferensııalar jáne basqa da mádenı sharalar ótedi. Mereıtoı IýNESKO deńgeıinde de atap ótiledi.
Eske salaıyq, 2025 jyldyń 1 sáýirinde qazaqtyń birtýar kompozıtory, kúıshi, dırıjer, halyq ártisi Nurǵısa Tilendıevtiń týǵanyna 100 jyl tolyp otyr.
Ol Almaty oblysy Ile aýdanynda dúnıege kelgen. Kúı-ánderinen bólek Nurǵısa Tilendıev 50-den astam dramalyq qoıylymǵa, 19 kórkem fılmge, 17 mýltıplıkasııalyq fılmge, 14 derekti-hronıkalyq fılmge mýzyka jazǵan.
Nurǵısa Atabaıuly ártúrli jyldary Abaı atyndaǵy Qazaq memlekettik akademııalyq opera jáne balet teatrynyń dırıjeri, Qazaqtyń halyq aspaptar orkestriniń bas dırıjeri, Qazaqfılm kınostýdııasy mýzyka redaksııasynyń bas redaktory, 1981 jyldan Otyrar sazy folklorlyq-etnografııalyq ansambliniń uıymdastyrýshysy ári kórkemdik jetekshisi qyzmetterin atqarǵan.