Kóktemgi qar sýy qaýip tóndiredi-aý degen aımaqtarda aldyn alý jumystary kúsheıtilip, tıisti mamandardyń baqylaýyna alynǵan. О́zenderde muzdar jarylyp, bulaq kózderi tazartylyp jatyr.
Máselen, jýyqta Kúrshim ózeninde Terekti-Bulaq aýylynyń mańynda profılaktıkalyq jarylys jumystary júrgizildi. Muz jarý 14040 sharshy metr aýmaqta júzege asyryldy. Bul eldi mekenderdi sý basý qaýpin azaıtýǵa múmkindik berdi. Jumystardyń qaýipsizdigin qamtamasyz etý úshin ShQO TJD qutqarýshylar toby jumyldyryldy.
Qazirgi ýaqytta ózenderge táýlik boıy monıtorıng jumystary jalǵasyp jatyr. Altaı aýdanyna kelgen Q.Qaısenov atyndaǵy 68303 áskerı bóliminiń áskerı qyzmetshileri sý tasqynyna qarsy is-sharalardy qolǵa alǵan. 50 metr aryq júıesi, kópir asty, 27 sý ótkizý qurylystary tazartyldy. 420-dan astam qap ınertti materıalmen toltyryldy.
Eldi mekenniń qary erigenimen taý qarynyń kóbesi sógile qoıǵan joq. Sondyqtan qolǵa alynǵan qaýipsizdik jumystary áli jalǵasady.