Bıyl jazda Qytaıdyń Chendý qalasynda ótetin XII Dúnıejúzilik oıyndar (The World Games) básekesi ótedi. Týrızm jáne sport mınıstrligi halyqaralyq synda el namysyn qorǵaıtyn karateshilerdiń tizimin jarııalady, dep jazady Egemen.kz.
XII Dúnıejúzilik oıyndarda baq synaıtyn sportshylar:
Móldir Jańbyrbaı (-50 kg) Ásel Qanaı (-61 kg) Sofıa Berýlseva (+68 kg) Qaısar Alpysbaı (-60 kg) Dıdar Ámiráli (-67 kg) Nurqanat Ájiqanov (-75 kg)
Bul keshendi jarysqa qurama úzdikteri joldama alǵan. Chendýda bas-aıaǵy 96 karateshi júldege talasady. Olar álem chempıonaty jáne reıtıng nátıjesinde iriktelgen. Karateden jarys 8-9 tamyzǵa josparlanǵan.
Aıta keteıik, osyǵan deıingi Dúnıejúzilik oıyn 2022 jyly AQSh-tyń Bırmıngem qalasynda ótip, Qazaqstan 4 medal (1 altyn, 2 kúmis, 1 qola) jeńip alǵan. Nátıjesinde delegasııa Portýgalııamen birdeı kórsetkish kórsetip, jalpy esepte 37-satyǵa turaqtady. Altyndy Qazaqstan qorjynyna Tokıo Olımpıadasynyń qola júldegeri Sofıa Berýlseva (+68 kg) salǵan edi.