«Samuryq-Energo» 2032 jylǵa deıin 14,3 Gvt jańa qýat kózderin iske qosady

«Elimiz energetıkalyq qýat kózderin damytý jáne jań­ǵyrtý baǵytynda belsendi ju­mys istep jatyr. Osy oraıda qol­da bar jáne aldaǵy ýaqytta qo­sy­latyn jańa qýat kózderin bilý asa mańyzdy», dep atap ótti «Samuryq-Qazyna» AQ-nyń Strategııa jáne aktıvterdi bas­qarý jónindegi teń basqarýshy dırektory Eljas Otynshıev.

Elektr energetıkasy – el eko­no­mıkasynyń turaqtylyǵy men azamattardyń ál-aýqaty úshin sheshýshi ról atqaratyn sala. «Samuryq-Energo» ener­gııa óndirý, taratý jáne jańar­ty­latyn energııa kózderin damytý baǵytynda jumys isteıtin elimizdegi iri uıymdardyń biri. Byltyr kompanııa óndiristik jos­pardy artyǵymen oryndap, onyń 20 myń qyzmetkeri bar 25 enshiles kompanııasy jalpy kólemi 39,7 mlrd kVt/saǵ elektr energııasyn óndirgen. Bul 2023 jylmen salystyrǵanda edáýir joǵary. Al bıyl kompanııa bul kórsetkishti 40,9 mlrd kVt/saǵ-qa deıin arttyrýdy maqsat etip otyr. Elimiz boıynsha óndiriletin qýattyń 32%-y jáne kómir óndirisiniń 42%-y osy «Samuryq-Energo» kompanııasyna tıesili.

О́tken jyly energetıkalyq holdıng aýqymdy jóndeý naý­qanyn ótkizdi. Mejeli jóndeý jumystary tolyǵymen oryndalyp, nátıjesinde bıyl jylytý maýsymy sátti ótti.

Máselen, Ekibastuz qala­syn­daǵy birinshi elektr stan­sasy­nyń №1, №2, №8 energetıka­lyq bloktaryn qalpy­na kel­tirý jumystary aıaq­ta­lyp, olar­dyń zııandy gazdardy shyǵarý deń­geıi azaıtylǵan. Saldarynan, stansanyń qýaty 4000 MVt-qa deıin artty.

«Ekibastuzdaǵy elektr stan­sasynda aýqymdy jóndeý jumys­y atqaryldy. Sońǵy 30 jyldan beri ol alǵash ret segiz blokpen jumys isteı bas­tady. Aldaǵy ýaqytta qalǵan bloktardy kezeń-kezeńimen to­lyqtaı jańǵyrtý kózdelgen. Sony­men qatar nysan qyzmetiniń ekologııaǵa zııandy áserin azaıtý maqsatynda jańa súzgiler men qondyrǵylar ornatý josparlanyp otyr», dedi «Samuryq-Energo» aksıonerlik qoǵamy­nyń basqarma tóraǵasy Qaırat Maqsutov.

Gaz óndirý jobalary boıynsha Almaty energetıkalyq keshe­nin jańǵyrtý jáne Qyzylorda qalasynda bý-gaz qondyrǵysy negizindegi elektr stansasyn salý josparda bar deıdi uıym basshysy.

Al kómir óndirisi boıynsha Ekibastuz 2-elektr stansasyn jańǵyrtyp, Kókshetaý, Semeı jáne О́skemen qalalarynda jylý elektr ortalyqtaryn, sondaı-aq taza kómir tehnologııasy negi­zindegi 3-elektr stansasyn salý josparlanǵan.

Keńes otyrysy barysynda ja­syl energetıka baǵytyn­da­ǵy jo­balar jaıy da qozǵaldy. Energetıkalyq qaýipsizdikti qamta­masyz etý jáne keıingi jyl­da­ry elektr energııasyna ósip kele jatqan suranys­ty óteý maq­satynda elimizde kún jáne jel energetıkasyn damytýǵa aı­ryqsha mán beriledi. «Samuryq-Energo» osy salada halyqara­lyq seriktestermen birge birne­she jobany júzege asyryp, jańartylatyn energııa úlesin art­tyrýdy kózdep otyr. 2032 jyl­ǵa deıin uıym elimizde engiziletin jańa qýat kózderiniń 55%-yn, naqty aıtqanda 14,3 GVt-ty iske qospaq.

Jıyn qorytyndysy boıyn­sha otyrysqa qatysýshylar ­ener­getıkalyq saıasattyń ashyq­­­­ty­ǵyn qamtamasyz etý, ın­no­­va­sııa­lyq sheshimderdi damytý, jasyl energetıkaǵa kóshý úderi­sin jedeldetý jóninde suraqtar qoıyp, birqatar usy­nys engizdi.

Otyrys nátıjesinde, «Samu­ryq-Energo» basshylyǵy qoǵam­dyq keńestiń usynysta­ryn eskere­tinin jáne barlyq jobalardyń ashyq ári tıimdi iske asýyn qamta­masyz etetinin málimdedi.

Energetıkalyq sektordyń turaqty damýy – elimizdiń eko­nomıkalyq qaýipsizdigi men halqymyzdyń ál-aýqa­ty­nyń kepili. Sondyqtan «Samu­ryq-Qazyna» qorynyń bul saladaǵy strategııalyq róli erekshe. Jıynda talqylanǵan jobalar elimizdiń energetıkalyq áleýetin nyǵaıtýǵa, ulttyq ekono­mıkanyń turaqty damýyn qam­tamasyz etýge baǵyttalǵan mańyz­dy qadamdar bolmaq.

Jansaıa Qapasqyzy