Taraz prokýrorlarynyń 2024-2025 jyldary júrgizgen taldaý jumysynyń nátıjesi belgili boldy. Zerdeleý jumysynyń nátıjesinde zańsyz satyp alynǵan 13 páter men 2 jer ýchaskesi anyqtaldy, dep habarlaıdy Egemen.kz
Jambyl oblystyq prokýratýrasynyń baspasóz qyzmeti keltirgen derekke sensek, zań ókilderi áleýmettik osal toptardyń quqyǵyn qorǵaýǵa basymdyq berip otyr. Atqarylǵan jumys nátıjesinde zańsyz satyp alynǵan páterlerler kommýnaldyq menshikke qaıtarylyp, onyń birshamasy muqtaj jandarǵa beriletin bolady.
Qala prokýrorynyń apellıasııalyq ótinishiniń negizinde 3 páter boıynsha sot aktileriniń kúshi joıylǵan, onyń ishinde 2 páter áleýmettik osal toptarǵa jatatyn menshik ıelerine qaıtaryldy. Sondaı-aq, Quny 16 mln teńgeni quraıtyn ortalyqta ornalasqan 4 bólmeli páter memleketke qaıtaryldy.
Jyljymaıtyn múlik ıesi bolǵan azamat bul páterdi qala turǵynynyń jazbasha kelisimimen satyp alǵan, keıinnen menshik quqyǵyn taný týraly talappen sotqa júgingen, bul talap birinshi satydaǵy sotpen qanaǵattandyrylǵan. Apellıasııalyq ınstansııada talapkerdiń páterde 7 jyl boıy úzdiksiz turyp jatqanyn rastaıtyn qujattar men basqa menshik ıeleriniń satýǵa kelisimi usynylmaǵany anyqtalǵan. Sonymen qatar, qadaǵalaý aktisi boıynsha sot qala ákimdiginiń jalpy quny 60 mln teńgege 5 páterdi ıesiz dep taný jáne olardy kommýnaldyq menshikke berý týraly talaptaryn qanaǵattandyrdy. Atalǵan páterler kezekte turǵan áleýmettik osal toptarǵa jatatyn azamattarǵa beriletin bolady.
Sondaı-aq, prokýrordyń aktisi men talap aryzy boıynsha memleketke jalpy aýmaǵy 18 sotyq 2 jer ýchaskesi qaıtaryldy. Áleýmettik osal toptardyń quqyqtary men memlekettiń múddesin qorǵaý jumystary aldaǵy ýaqytta da jalǵasady.
Taraz