Oblystyq polısııa departamentiniń málimdeýinshe «Jasóspirim» jedel profılaktıkalyq is-sharasynyń 2 kúninde 124 túrli ákimshilik hattama rásimdelip, 4 jasóspirim ishki ister organdarynyń esebine alynǵan. Panasyz qalǵan 2 jasóspirim kámeletke tolmaǵandardy beıimdeý ortalyǵyna jetkizilipti, dep habarlaıdy Egemen.kz.
Ákimshilik kodekstiń 127-babymen balalardy tárbıeleý jónindegi mindetterdi oryndamaǵany úshin 22 ata-anaǵa hattama toltyrylǵan. Kodekstiń 132 jáne 423-1-baptary boıynsha bir-birden quqyq buzýshylyq anyqtaldy. Kámeletke tolmaǵan 5 balanyń buzaqylyq jasaǵany belgili bolyp, olardyń zańdy ókilderi jaýapkershilikke tartyldy.
Sondaı-aq, túngi ýaqytta oıyn-saýyq mekemelerinde saırandap júrgen 90 kámeletke tolmaǵan bala anyqtalǵan. Bala tárbıesine salǵyrt qaraǵany úshin 8 ata-ana kámeletke tolmaǵandardyń ata-analary men zańdy ókilderiniń profılaktıkalyq esebine alynǵan.