Adam da juldyzdar sekildi jaryq shashatynyn bilip pe edińiz? Bul – eshqashan ózimiz baıqamaıtyn erekshe qubylys.
Ǵylym tilimen túsindirsek, adam aǵzasy kúndiz-túni álsiz bıolıýmınessensııa shyǵarady. Bul jaryq óte álsiz – kún sáýlesinen 1000 ese tómen bolǵandyqtan, adam kózi ony kóre almaıdy. Biraq 2009 jyly japon zertteýshileri arnaıy sezimtal kameralar arqyly alǵash ret adamnyń jaryǵyn túsirip alǵan. Ásirese bet pen mańdaı tusy kóbirek jaryq bóledi. Bul qubylys jasýshalarymyzdaǵy otteginiń totyǵýy áserinen bolady. Biz dem alǵan saıyn denede reaksııalar júrip, sol energııa bir sátke jaryq túrinde bólinip shyǵady. Bir qyzyǵy, eń kóp jaryq kúndizgi 4 shamasynda bólinedi. Demek adam da – kishkentaı juldyz.