«Qazgıdromet» RMK aldaǵy úsh kúnge arnalǵan aýa raıy boljamyn jarııalady, dep habarlaıdy Egemen.kz.
Atmosferalyq fronttardyń ótýimen eldiń basym bóliginde turaqsyz aýa raıy bolady. Jańbyr, naızaǵaı, túnde soltústikte, shyǵysta, eldiń ońtústik-shyǵysyndaǵy taýly aımaqtarda jaýyn-shashyn bolady dep boljanyp otyr.
«Tek Aqtóbe, Qyzylorda oblystarynda antısıklon sileminiń áserinen aýa raıy jaýyn-shashynsyz bolady. Respýblıka boıynsha jeldiń kúsheıýi kútiledi, ońtústikte, ońtústik-batysta shańdy daýyl bolady. Túngi jáne tańerteńgi saǵattarda tuman bolady», delingen sınoptıkter boljamynda.
24 sáýirde Soltústik Qazaqstan, Pavlodar qalasynda 3 gradýsqa deıin, 22 sáýirde Qaraǵandy oblysynda 1 gradýsqa deıin, 22-23 sáýirde Shyǵys Qazaqstan oblysynda, Abaı oblysynda 1-8 aıazǵa deıin, 24 sáýirde Aqmola, Qostanaı oblystarynda 1-3 gradýsqa deıin aýa temperatýrasy tómendeıdi.