Alǵys aıtý kúnine oraı Jetisý oblysynyń Qaratal aýdanynda «Alǵys – birlik bastaýy» atty merekelik is-shara ótip, el kóleminde jańa rekord tirkeldi, dep habarlaıdy Egemen.kz.
Is-shara aıasynda Dostyq úıinde 30 ózge etnos ókiliniń qatysýymen nebári 20 mınýt ishinde 4546 dana qurt daıyndalyp, Qazaqstandyq KInES rekordtar kitabyna endi. Bul kórsetkish – tek sandyq jetistik emes, ortaq maqsat jolynda jumylǵan jurtshylyqtyń uıymshyldyǵy men yntymaǵynyń naqty kórinisi boldy. Ulttyq taǵamdy ulyqtaý arqyly el birliginiń sımvoly aıshyqtaldy.
Merekelik shara aldymen Bastóbe aýylyndaǵy «Qazaq halqyna myń alǵys!» monýmentinde gúl shoqtaryn qoıý rásimimen bastaldy. Keıingi resmı bólimde el birligi men qoǵamdyq kelisimdi nyǵaıtýǵa úles qosqan azamattar marapattaldy.
Uıymdastyrýshylardyń aıtýynsha, bul bastama – alǵys aıtý mádenıetin dáriptep qana qoımaı, etnosaralyq tatýlyq pen qoǵamdyq kelisimdi nyǵaıtýdyń jarqyn úlgisi.
Osylaısha, Alǵys aıtý kúni Qaratalda jańa tarıhı nátıjemen este qaldy. Birlik pen rızashylyqty tý etken ıgi shara el yntymaǵyn taǵy bir márte aıqyndady.