Kóp jylǵy izdenis nátıjesi

Keıingi jyldary sıfrlyq quzyretter men neırojelilik tehnologııalar salasyn zerttep, bilim salasyn jańǵyrtý, oqý úderisin avtomat­tandyrý, ınnova­sııa­lyq teh­no­lo­gııalardy engizý baǵytyndaǵy mem­­le­kettik basymdyqtarǵa úles qosyp kelemiz. Ǵylymı zert­teý­lerim kognıtıvtik lıngvıs­tıka, lıngvo­máde­nıettaný, salystyrmaly frazeologııa, shet tilin oqytý ádistemesi jáne mádenıetaralyq kommýnıkasııa salalaryn qamtıdy.

200-den astam ǵylymı eńbektiń avtorymyn. Olardyń qatarynda halyqaralyq deńgeıdegi, «Scopus»,  «Web of Science» bazalaryna engen maqalalar, sondaı-aq irgeli monografııalar men oqýlyqtar bar. Fransýz tilin ekinshi shet tili retinde oqytý­ǵa arnalǵan oqý-ádistemelik eńbekterim elimiz­diń birqatar joǵary oqý oryndarynyń baǵdar­lamalaryna engizilgen. Sonymen birge Abaıdyń «Qara sózderin» qazaq tili­nen tikeleı fransýz tiline aýdaryp, osy negizde má­denı kodtarǵa qatysty zertteýler júrgizdim.

Ǵylymı kadrlar daıarlaý isine de erekshe mán beremin. Meniń jetekshiligimmen PhD, ǵylym kandıdattary, magıstrler daıarlandy. Sonymen qatar ǵylymı-saraptamalyq, halyqaralyq qyzmetke belsendi qatysamyn. Úsh ǵylymı jýrnaldyń redaksııalyq alqasynyń múshesimin, Shveısarııadaǵy Frıbýr ýnıversıteti men Fransııadaǵy Eks-Marsel ýnıversıtetiniń dıssertasııalyq keńesterine shaqyrylǵan múshesi boldym. Sondaı-aq elimizdegi birqatar dıssertasııalyq keńesterdiń jumysyna qatysyp, ǵylymı zertteýlerge resmı opponent retinde baǵa beremin.

Kásibı qyzmetim barysynda dekan, prorektor, rektordyń eýropalyq bilim berý baǵdarlamalary jónindegi keńesshisi qyzmetterin atqardym. Búgingi marapat – kóp jylǵy eńbektiń elengeniniń aıǵaǵy dep bilemin. Azdy-kópti eńbegimizdiń baǵalanǵanyna shyn júrekten qýanyshtymyn. Bul senim aldaǵy ýaqytta da aıanbaı eńbek etýge jiger beredi.

Kúlásh Dúısekova,

fılologııa ǵylymdarynyń doktory, L.N. Gýmılev atyndaǵy Eýrazııa ulttyq ýnıversıtetiniń shetel fılologııasy kafedrasynyń professory