AQSh pen Izraıldiń soqqylary saldarynan qaza tapqan Alı Hameneıdiń ornyna aıatolla Alıreza Arafı keldi, dep habarlaıdy Egemen.kz IRNA agenttigine silteme jasap.
Aıatolla Alıreza Arafı – Irannyń joǵary laýazymdy din qyzmetkeri ári saıası qaıratkeri. Ol eldiń joǵarǵy bılik organdaryndaǵy negizgi tulǵalardyń biri jáne marqum Hameneıdiń senimdi serigi sanalady.
Arafı ótpeli kezeńde eldiń joǵarǵy basshylyǵynyń mindetin atqaratyn jetekshi keńestiń múshesi bolyp taǵaıyndaldy. Keńes quramyna sondaı-aq Iran prezıdenti Masýd Pezeshkıan men sot júıesiniń basshysy Golıam Hoseın Mohsenı-Edjeı kirdi.
Aıta keteıik, buǵan deıin Iranda joǵarǵy kóshbasshy Alı Hameneıdiń AQSh pen Izraıldiń soqqylary saldarynan qaza tapqany rastalǵan edi. Onyń rezıdensııasy áýe soqqylary nátıjesinde tolyqtaı qıraǵan. El úkimeti 40 kúndik jalpyulttyq aza tutý jarııalap, 7 kúndik demalys kúnderin belgiledi.
Irandaǵy mektepke jasalǵan shabýyl: qaza tapqan oqýshylardyń sany 150-ge jýyqtady