Shyǵys Qazaqstan oblysy Mamandandyrylǵan tabıǵat qorǵaý prokýratýrasynyń talaby boıynsha Ekologııa departamenti «SINSIN Qurylys jáne damý boıynsha Qytaı kompanııasy» JShS-ne qatysty tekserý júrgizdi, dep habarlaıdy Egemen.kz.
Tekserý nátıjesinde ekologııalyq zańnamanyń buzylǵany anyqtaldy – II sanattaǵy obektilerge ekologııalyq ruqsatsyz asfalt beton qondyrǵysy men usaqtaý keshenin paıdalaný faktileri tirkeldi.
2024 jylǵy 21 qarashadaǵy ınspektordyń qaýlysymen JShS Ákimshilik quqyq buzýshylyq týraly kodekstiń 328-babynyń 1-bóligi boıynsha ákimshilik jaýapkershilikke tartyldy. Atalǵan qaýly JShS tarapynan О́skemen qalasynyń ákimshilik quqyq buzýshylyqtar jónindegi mamandandyrylǵan sotyna shaǵymdanǵan. Sottyń 2025 jylǵy 4 naýryzdaǵy qaýlysymen JShS-niń kinási anyqtalyp, 1 mıllıard teńge kóleminde aıyppul salyndy.
Tarap apellıasııalyq tártippen joǵary turǵan sotqa shaǵym túsirdi. Alaıda 2025 jylǵy 10 sáýirdegi apellıasııalyq ınstansııanyń qaýlysymen birinshi satydaǵy sot sheshimi ózgerissiz qaldyryldy.
Aıta keteıik, bul týraly oblystyq prokýratýranyń resmı saıtynda jarııalandy.