Ertis perzentiniń atynda kóshe bar

Pavlodar oblysy ákim­digi men ob­lystyq más­lı­hat­tyń birlesken qaýlysy men sheshimi osy aptada jarııalandy. Bul jazýshynyń bıylǵy 90 jyldyq mereıtoıy aıasynda atqarylǵan ıgilikti istiń biri bolǵany daýsyz.

Qalamgerge týǵan qala­synan kóshe atyn berý, R.Toq­tarovtyń shyǵar­ma­shylyǵyn nasıhattaý jaıynda «Egemen Qazaqstan» gazeti osydan tórt jyl buryn arnaıy maqala jazǵan bolatyn. Ári bul máseleni osy ýaqytqa deıin jiti nazarda ustady. So­nyń nátıjesinde, 20 jyl boıy se­tinemeı turǵan seń qoz­ǵalyp, Ertis-Baıan óńirinde qalam­gerdi dá­ripteýge qatysty oń ózgerister bas­taldy.

– Ramazan Toqtarovtyń kitap­tary sıfrlyq formatqa kóshirildi. S.Toraıǵyrov atyn­daǵy oblystyq kitaphanadan ja­zý­shyǵa arnalǵan burysh ashyl­dy. Oǵan qalamgerdiń jeke ki­taphanasynan ákelingen kitap­tar men qoljazbalar, basqa da jádigerler qoıyldy. Ramazan Toqtarovqa Mem­lekettik syı­lyq ápergen «Abaıdyń jum­ba­ǵy» romany «Foliant» baspasynan qaıta basylyp shyqty. «Abaı» telearnasy jazýshy týraly derekti fılm túsirdi. Endi, mine, Pavlodar qalasynan kóshe berilip otyr. Osy ıgi isterdiń barlyǵy «Egemen Qazaqstan» gazetinde jarııalanǵan maqala el basshylyǵy men ádebıet súıer jurt­shylyqtyń nazaryn aý­dar­ǵannan keıin atqaryl­ǵanyn atap ótken durys, – deı­di R.Toqtarov-tyń ómiri men shyǵar­ma­shylyǵyn zerttep júrgen belgili jýrnalıst Farhat Ámirenov.

Ramazan Toqtarov Pav­lodar qa­lasynda týǵan. Endi «Ertis perzenti» avtorynyń atynda kóshe bar.

Pavlodar