Túrkistan oblysy Ordabasy aýdanynda salynyp jatqan «Standard Petroleum & Co» JShS-nyń munaı óńdeý zaýytynyń birinshi kezeńin jyl sońynda iske qosý josparlanǵan. О́ndiris ornynda 300 adam turaqty jumys ornymen qamtylady.
Qýattylyǵy jylyna 2,0 mln tonnany quraıtyn iri jobanyń ınvestısııa quny 130,0 mlrd teńge. Búginde qurylys-montaj jumystary qarqyndy júrgizilýde. Ákimshilik jáne zaýyt aldy aımaǵynda jalpy qurylys jumystary aıaqtalyp, tehnologııalyq jabdyqtar ornatylyp jatyr. Bıýdjettik qarajat esebinen barlyq qajetti ınfraqurylym tartylǵan, 1,2 shaqyrym avtojol jáne 14 shaqyrym temirjol tóselip, paıdalanýǵa berilgen. Jospar boıynsha ınvestısııalyq jobanyń II kezeńi 2026 jyldyń sońyna deıin tolyq aıaqtalady. Jańa munaı óńdeý zaýytynda jylyna 377,8 myń tonna «Eýro-5» benzıni, 426 myń tonna «Eýro-6» dızeli óndiriledi.
Aıta ketelik, sońǵy 2 jylda oblys ekonomıkasyna 2 trln teńgeden astam ınvestısııa tartylyp, ósimniń oń dınamıkasy qalyptasty. Jyl basynan 196,5 mlrd teńge ınvestısııa tartyldy.
Túrkistan oblysy