27 mamyrda Aqtóbege shuǵyl qonǵan reseılik Boeing-777 ushaǵyndaǵy jolaýshynyń júregi ushý kezinde toqtap qalǵan. Áıel adam ushaq qonǵanǵa deıin kóz jumǵan, dep habarlaıdy Egemen.kz.
Aqtóbe qalalyq áýejaıy ákimshiligi rastaǵandaı Nordwind Airlines kompanııasyna tıesili Ekaterınbýrg – Sochı baǵytyndaǵy reıs jeksenbi kúni Aqtóbe áýejaıyna shuǵyl túrde qonǵan. Sebep – borttaǵy 42 jastaǵy áıel jolaýshynyń kenetten jaǵdaıynyń nasharlaýy bolǵan. Ol kúıeýi men balalarynyń qasynda otyrǵan. О́kinishke qaraı, medısınalyq kómek kórsetilgenge deıin jolaýshy qaıtys bolǵan.
Marqumnyń denesi Aqtóbede qaldy. Otbasy músheleriniń qazirgi ýaqytta qaıda ekeni naqty habarlanǵan joq. Áýe kompanııasy men medısınalyq mekemeler ázirge resmı pikir bildirgen joq.
Aktóbe stansııasyndaǵy Lıneılik polısııa bóliminiń málimetinshe, oqıǵa orny tekserilip, kýágerlerden jaýap alynýda. Birqatar saraptamalar taǵaıyndalady. Barlyq mán-jaı anyqtalǵannan keıin prosessýaldyq sheshim qabyldanady.
Aıta keteıik, oqıǵa bolǵan reıste 564 jolaýshy bolǵan. Shuǵyl qonýǵa baılanysty ýaqytsha kidiris bolǵanymen, ushaq saǵat 14:30-da baǵytyn jalǵastyrǵan.
Janel TО́LEÝBEKOVA, EUÝ stýdenti