Sátbaev qalasynda ınjenerlik ınfraqurylymdy jańǵyrtý jumystary jalǵasýda. Qazirgi tańda №1 jáne №2 magıstraldik jylý jelilerin zamanaýı, polıýretandy oqshaýlanǵan (PPÝ) qubyrlarǵa aýystyrý boıynsha rekonstrýksııalaý bastaldy, dep jazady Egemen.kz aqparat agenttigi.
Jalpy uzyndyǵy 10,6 shaqyrymdy quraıtyn eki joba iske asady. Qazirgi kúni 1,6 shaqyrym jelide jumystar júrgizilýde.
Merdiger uıymdar: «Saryaǵash-Aman» JShS jáne «ASTANAINJKOMSTROI» JShS. Jobanyń jalpy sommasy 9,2 mlrd teńge.
Aıta keterligi, bul – jylý jelilerine sońǵy 50 jyl ishinde jasalyp otyrǵan eń aýqymdy jáne kúrdeli jóndeý.
Biz turǵyndarymyzdyń ómir súrý sapasyn arttyrýǵa bar kúshimizdi salamyz. Jylý júıesin jańǵyrtý – osy maqsatqa jetýdiń mańyzdy bóligi. Bul jumystar aldaǵy ýaqytta da josparly ári turaqty túrde júrgiziletin bolady.
Jyly ári jaryq úıler – bul tek jaılylyqtyń emes, bolashaqqa degen senimniń, bir-birimizge degen qamqorlyq pen jaýapkershiliktiń kórinisi.