Petropavldyń shetkergi aýdandarynyń birinde ornalasqan «Novaıa» kóshesiniń 110-shy kópqabatty úıinde turatyn Baqytjan Ádilov aqsaqal balalardy qorǵaý kúniniń qarsańynda eskerýsiz qalǵan sábıler aýlasyn jandandyryp, qolda bar materıaldardan túrli áshekeıli, qyzyqty zattar jasap shyǵardy, dep jazady Egemen.kz aqparat agenttigi.
Olardyń ishinde «tereń» oshaqqa ornalasqan sháınek, dekoratıvti baǵdarshamdar, aqqýdyń uıasy, parovoz, zymyran, ushaq jáne t.b. bar. «Meniń bastamama áýeli kórshiler kúdikpen qarasty, artynan bári de túsinip, birazy maǵan kómekke keldi. Osy sharýanyń arqasynda kórshiler bir-birimizben tanysyp, amandyq-saýlyq suraýymyz da jaqsaryp qaldy», deıdi aqsaqal.
Janyńdaǵy jandarǵa jaqsylyq jasaǵanǵa ne jetsin, qazir Baqytjan aqsaqaldy barlyq balalar da jaqsy kórip, oǵan «assalaýmaǵaleıkým» dep sálem berip jatady.
PETROPAVL