Qaraǵandy oblysynda eki jasar bala júk poıyzynyń astyna túsip, aýyr jaraqat alǵan. Qazir búldirshin aýyr jaǵdaıda oblystyq balalar aýrýhanasynyń jansaqtaý bóliminde jatyr, dep habarlaıdy Egemen.kz.
Oqıǵa «Qaraǵandy — Aqadyr» temirjol ýchaskesindegi «Qaraǵanózek — Qarabas» ótkelinde bolǵan.
«Qazaqstan temir joly» ulttyq kompanııasynyń habarlaýynsha, poıyz mashınısi relske shyqqan balany baıqap, dereý shuǵyl tejegishti qoldanǵan. Soǵan qaramastan, bala jaraqat alǵan.
Qaraǵandy oblystyq densaýlyq saqtaý basqarmasynyń málimetinshe, zardap shekken bala aýyr halde aýrýhanaǵa jetkizilgen.
«Bala aýyr jaǵdaıda oblystyq balalar aýrýhanasyna jetkizilip, jansaqtaý bólimine jatqyzyldy», delingen habarlamada.
Qazirgi tańda atalǵan fakti boıynsha tergeý amaldary júrgizilip jatyr.