Ulytaý oblysynda «Jasyl el» jastar eńbek jasaqtarynyń 2025 jylǵy eńbek maýsymynyń ashylý saltanaty ótti. Is-sharanyń basty maqsaty – jastardy eńbekke baýlý jáne ekologııalyq mádenıetti damytý, dep jazady Egemen.kz.
Ulytaý oblysy Qoǵamdyq damý basqarmasynyń basshysy Baqytjan Jaılaýbaev pen Jezqazǵan qalasy ákimi apparatynyń basshysy Nurym Ysqaqov maýsymnyń ashylýymen quttyqtap, jastarǵa sáttilik tiledi.
«Bıylǵy eńbek maýsymynda oblys boıynsha 14 pen 35 jas aralyǵyndaǵy 700-deı jas azamat jumysqa tartylady. Onyń ishinde: Jezqazǵan men Sátbaev qalalarynan -150, Qarajal qalasynan - 165, Ulytaý aýdanynan - 90, Jańaarqa aýdanynan - 70 azamat jumyspen qamtylmaq. Jastar kógaldandyrý, abattandyrý, senbilik jáne ekologııalyq aksııalar syndy qoǵamdyq jumystarǵa tartylyp, jazǵy demalysty paıdaly ótkizedi dep senemin», dedi B. Jaılaýbaev.
Qoǵamdyq jumysta jastar birkelki 700 dana fırmalyq ekıpırovkamen qamtylady.
Ulytaý oblysy