Úndistannan Londonǵa baǵyt alǵan Air India AI171 ushaǵynyń ushý málimetterin jazý qurylǵysy men ushqyshtar kabınasyndaǵy áńgimelerdi jazatyn qurylǵy tabyldy, dep habarlaıdy Egemen.kz.
Úndistan premer-mınıstri Narendra Modıdiń bas hatshysy Pramod Kýmar Mıshranyń aıtýynsha, qara jáshikter jeksenbi kúni anyqtalǵan. Alǵashqy jáshik juma kúni apat ornyna jaqyn ornalasqan ǵımarattyń shatyrynan tabylǵan.
The Economic Times gazetiniń málimetinshe, jazbalardy tolyq ashý tórt-bes kúnge sozylýy múmkin.
Ahmedabadqa apatty tergeý úshin birneshe halyqaralyq sarapshy toptary Úndistannyń avıasııalyq oqıǵalardy zertteý bıýrosymen birlesip jumys isteý maqsatynda kelgen. Resmı esep úsh aı ishinde jarııalanady.
Mamandardyń aıtýynsha, tabylǵan qurylǵylar apatqa deıingi oqıǵalardyń naqty hronologııasyn qalpyna keltirýge múmkindik beredi. Olar ushqyshtardyń áreketi men ushaq júıeleriniń jaǵdaıyn sekýndtyq dáldikpen sıpattap beredi.
Esterińizge sala keteıik, AI171 reısi Ahmedabadtan Londonǵa baǵyt alǵan. Alaıda ushaq kóp uzamaı apatqa ushyrap, stýdentter jataqhanasyna soǵylǵan.