Bolgarııanyń bas shahary Sofııada búgin máresine jetken bedeldi halyqaralyq zııatkerlik saıys – Eýropalyq fızıka olımpıadasyna (EuPhO-2025) 39 elden 200-den astam jas fızık qatysqan. El namysyn qorǵaǵan 5 oqýshynyń barlyǵy júldegerler qatarynda turdy, dep jazady Egemen.kz.
Komandany daıyndaǵandar – respýblıkalyq-halyqaralyq olımpıadalardyń birneshe márte jeńimpazdary, tájirıbeli tálimgerler Andreı Sıdorenko men Temirlan Ismagulov.
Elordadaǵy respýblıkalyq fızıka-matematıka mektebiniń 10-synyp oqýshysy Ilııas Qazymbek olımpıadanyń absolıýtti jeńimpazy atanyp, qorjynǵa altyn medal saldy.
Oqý-aǵartý mınıstrliginiń baspasóz qyzmetiniń habarlaýynsha Astanadaǵy RFMM-niń taǵy bir 10-synyp oqýshysy Altaır Akanov pen Almatydaǵy «Miras» halyqaralyq mektebiniń 11-synyp oqýshysy Roman Cheremnov kúmis medal ıelense, «Nurorda» halyqaralyq mektebiniń 11-synyp oqýshysy Danıel Tıýlıýbaev qola medal ıegeri boldy. Al Qostanaı oblystyq «Bilim-ınnovasııa» lıseı-ınternatynyń 10-synyp oqýshysy Taır Ábdiqadyr «Qurmet» gramotasyn aldy.
Eske salaıyq, 2024 jyly Qazaqstan quramasy atalǵan olımpıadada 2 kúmis jáne 2 qola medal jeńip alǵan. Bıylǵy kórsetkish – daryndy oqýshylarmen jumys júıeli-nátıjeli júrgizilip jatqanyn aıǵaqtaıdy.