AQSh 2026 jylǵa Ýkraınaǵa baǵyttalǵan birqatar qor boıynsha shyǵyndaryn azaıtty. Bul týraly Pentagon basshysy Pıt Hegset áýe kúshteri generaly Den Keınmen ótkizgen baspasóz máslıhatynda málimdedi, dep jazady Egemen.kz.
«Atap aıtqanda, eki qor qysqartyldy – Koalısııany qoldaý qory jáne Ýkraınadaǵy qaýipsizdikke járdemdesý bastamasy», dedi Pıt Hegset.
AQSh-tyń bul sheshimi halyqaralyq qaýymdastyq, ásirese Eýropa elderi tarapynan alańdaýshylyq týdyryp otyr. 25 maýsym kúni Germanııanyń qorǵanys mınıstri Borıs Pıstorıýs Eýroodaq elderi Ýkraınaǵa kómek kórsetýge qatysty AQSh-tyń qyzyǵýshylyǵyn saqtap qalý úshin kúsh salyp jatqanyn málimdedi.
Pıstorıýstyń aıtýynsha, AQSh-tyń Ýkraınaǵa qoldaýy tek áskerı kómektiń kólemimen shektelmeıdi, ol sondaı-aq NATO seriktesterine beriletin saıası jáne strategııalyq sıgnal rólin de atqarady.